www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ethorkia eta Ilkhitzea
Pierre Urte
c. 1700; 1894

      [liburua osorik RTF formatuan]
      [Literaturaren Zubitegia]

 

Bertsio elektroniko honen egilea: Josu Landa Ijurko.

Iturria: The earliest translation of the Old Testament into the basque language (a fragment), Pierre d'Urte (Llewelyn Thomas-en edizioa). Oxford, at the Clarendon Press, 1894.

 

 

aurrekoa hurrengoa

HAMEKAGARREN KAPITULUA

 

Iainkoak manatzen du Moise

iakiñaraz diozola Faraoni azkeneko plaga,

erran nahi da, lehensorthu guzien heriotzea,

hanbat gizonena nola besteena, zeñagatikan

bortxatua izango baita poblua goatera uztera:

4 Hori egiñ eta Moise partitzen da

hasarraturik osoki, Faraonenganikan.

 

        1. Eternalak bada erran zioen Moisi, erakharriko diat oraño plaga bat Faraonen gañera, eta ejiptuaren gañera: ondoan gero utziko zaituzte goatera hemendik kanpora, bai guziak goatera utziko zaituztenean, khasatuko zaituzte osoki.

        2. Mintza adi orai pobluak aditzen duela, gizon bat bederak galde diotzontzat bere hauzoko gizonari eta emazte batbederak bere hauzoko emazteari, zillhar untziak eta urre untziak.

        3. Eta Eternalak emantzioen grazia pobluari ejiptuarren baithan. Eta oraño Moise estimatua zen gizon haundi batentzat Ejiptuko herrian, hanbat Faraonen zerbitzariez, nola pobluaz.

        4. Eta hargatikan Moisek erran zuen, hunela erran dik Eternalak, gauerdiren inguruan banihoak iragatera Ejiptu guzia trebes.

        5. Eta lehensorthu guziak hillen dituk Ejiptuko herrian, Faraonen lehensorthu, haren tronuaren gañean iarri behar zuenetik eta neskato ehotzen enplegatua denaren lehensorthuraño, oraño bestien lehensorthu guzietaraño.

        6. Eta izanen duk deihadar haundi bat Ejiptuko herri guzian, halakorik egundaño izatu ezten bezalakoa, eta gehiago izanen ezten bezalakoa.

        7. Bañan Israelen haur guzien kontra, ozar batek eztik higituko bere mihia, gizonaganik bestietaraño, iakin dezazuentzat Iainkoak eman izatu duela diferentzia ejiptuarren eta israeltarren artean.

        8. Eta hire zerbitzari horiok guziak ethorriko dituk enegana, eta iarriko dituk ahuspez ene aitziñean, erraten dutela, ilkhi adi, hi, eta hire azpian den poblu guzia: eta gero ilkhiko nauk. Hala Moise ilkhi izan Faraonenganik kolera haundi batekien.

        9. Eternalak beraz erran izan zioen Moisi, Faraonek etzaituzte entzunen, ene mirakuilluak multiplika daitezentzat Ejiptuko herrian.

        10. Eta Moisek eta Aaronek egin zituzten mirakuillu horiok guziak Faraonen aitziñean. Eta Eternalak gogortu zuen Faraonen bihotza, halako maneraz non ezpaitzituen utzi goatera Israelen haurrak bere herritik kanpora.

 

aurrekoa hurrengoa