www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Biozkadak
Luis Jauregi, «Jautarkol»
1929

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Biozkadak, Jautarkol (faksimilea). Gipuzkoako Aurrezki Kutxa, 1975

 

aurrekoa hurrengoa

OSTIRAL-SANTU

 

Egan dijoaz txio ta txio

enarak mendi-aldera,

ekaitz aurretik erori oi dan

odei beltzaren antzera...

 

Jaunak deadar aundi bat dagi

ta makurtu du burua...

Deadar-dagi lurrak, ta lotsaz

itzali da euzki-sua...

 

Ixil-ixilik menditik bera

enarak egan dijoaz,

arantza bana daramatela

bakotxak bere mokoaz...

 

Ixil-ixilik Gurutz-albotik

datoz biotz maitaleak...

Jaunai kenduta zenbat arantza

dakarzkiten, ai!, gordeak!

 

Nork euki leizken beren egoak!

Nork izan beren biotza,

beren eztiaz eztitutzeko

Jaunan naigabe mingotza...!

 

aurrekoa hurrengoa