www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Kantikak eta neurtitzak
Gratien Adema, «Zaldubi»
1851-1901, 1991

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Kantikak eta Neurtitzak, Gratien Adema "Zaldubi" (Ales Bengoetxearen edizioa). Euskal Editoreen Elkartea, 1991

 

aurrekoa hurrengoa

HARTZ PHEREKA LATZ

        (1882)

 

                Aire zaharra

 

Jaun batek omen zuen hartz eskolatu bat.

(Halako hartz guti da agertu mundurat.)

Jaunak manatuz geroz harat edo hunat,

Oro ziozkan hartzak ekhartzen eskurat.

 

Hartzaren nausi hori, behin baratzean,

Itzalean etzana lo zagon lurrean.

Hartzak, han baitago zain jaunaren aldean,

Uli bat ikhusten du haren sudurrean.

 

Behar diola hortik uli hori khendu,

Kintaleko harri bat hartzak hor hartzen du.

Ukhaldiari zaio ulia aitzindu;

Jaunaren kaskoa du harriak arraildu.

 

Lausengu moldegaitzek holaxe daukute

On baino gehiago maiz egiten kalte.

Amodioak balu buru 'ta berthute,

Adixkidantza ona orduantxe laite.

 

aurrekoa hurrengoa