ITXAROPENA

1942-garren urtea zubi bat bezela degu;

ori igaro ezkero, gurenda!
—Churchill-ek, urte orren asieran, agindua.

—Uso xuria, esazu:

lurmenik ote ekusazu,

oraindik ere luzarorako

elurpean al gaituzu?

* * *

Itzuli dator usoa,

mokoan olibo ostoa.

Euskalerriko etxerik etxe

berrion zabaltzen doa:

—Poztu, euskotarrak, poztu.

Izotzak ia aldegin du.

Itxaropenak eusko gallurrak

eguzkiz jantzi baiditu!

Pake ta on! Pake ta on!

Lurtar guzioi: Zorion!

Egun berria urbiltzen dator.

Gizadi orrek: itxaron...

Europako enderriak,

enderri txiki guziak

Pake eguzkiak noiz laztanduko

dauzkate biotz-begiak...

Euskalerri zar zindoa,

anbat sufritutakoa:

Betidañoko gentza dezazun,

tori zuk olibo ostoa...

Jeiki, Euskadi osoa,

arrotu joran egoa...,

neurgean zear iritxi arte

illezkorren ereoa!

43gr. VII-29.