NOREN BAT NEGARREZ...

Barre zegiten lore pipilak,

agur! tordantxak goizari;

Sortalde —sorgin gonagorria—

urre zelaitan dantzari...

Negarrez, orde, nonbait.Nor ote

negarrez diardun ori?

Nor ote gero udalen goizez

miñaren miñez il zori?

Jeiki da, Iguzki, Umbri landetan

banatu da bere argi;

ta aren argira, gurutza eskuan,

oianean barna sarki

ara an noren bat bada arki...

            * * *

—Ene Frantzisko! Nor ote ta zu?

Zerek darabizu antzi?

—Jesu gugatik gurutzaldua

ta guk gizonok aantzi!

Oar, senide: larre apañok;

itur, lore ta egazti;

goiz iñularrak; gizon ta abere;

Berak ditu sortarazi...

Oar senide: gure Aita izan,

ta maite uts dan maitari...

Maitetasuna ez dugu maite!

Nolaz eutsi negarrari?...

Berriro darrai negarrez. Ta ara:

atzetik azi ta bizi

errukia lertzen biotz zotinka

oar senidea da abi!

            * * *

Txingarrak nonai su eragiten,

maiteminduak maitemin;

Olakoxeak bear Eleizan!

Olakoxeak Euskadin!

(Oitako bat genun Sabin...)

1936-Otsailak-26