www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Konfesioko eta komunioko sakramentuen gaņean erakusaldiak
Juan Bautista Agirre
1803, 1823

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Bertsio elektroniko honen egilea: Josu Landa Ijurko.

Iturria: Confesioco, eta comunioco sacramentuen gañean eracusaldiac, Juan Bautista Aguirre. La Lama, 1823.

 

 

aurrekoa hurrengoa

AMASEIGARREN
ERAKUSALDIA

 

Moden zorakerien gañean.

 

        Aditzera eman dizkitzut zu engañatzeko etsaiak prestaturik dauzkan asko sare. Igaro gaitezen oraiñ soñekoen modetan ezkutaturik dauzkan bekaturako perillak ekustera.

        Orain larogei ta bost urteraño leku gutxi izan zuen Españan soñekoen modak. Agertzen ziran noizean beiñ zenbait janziera arro eta itsusi, baña bereala debekatzen eta aienatzen ziran lege indartsuakin. Asi zan gero eguzki aldeko gure auzoa janziera berriak Erreñu onetan zabaltzen, eta ainbesteraño llilluratu eta txoratu gaitu, non gizonak biurtuaz dijoazen gizantx eta emakumeak añ ere, inguma; edo tximirrika, leku batzuetan beinzat. Aitortzen da, ondatu bearrak dirala etxeak, gisa onetan dijoazela gauzak, eta aleere egunetik egunera geituaz eta ugarituaz dijoa zorakeria hau. Beste toki batzuetan hau gertatuko baliz ez lizake izanko añ gauz arrigarria; baña emen Euskaldunen errietan, non etxe edo aziendak laburrak diran; emen, non kanpotik ekartzen dan jantzirako bear degun guzia; emen, diot, hau gertatzea, da ekusten ezpaliz nekez sinistu litekean gauza. Eta gaitzerdi lizake lurreko ondasunetan geratuko balira datozen kalteak; baña igarotzen dira animakoetara ere; zeren moden bixkarekin oarkabean bezala etsaiak daramazkian asko bekatuaren perilletara, eta eragiten diezte, nortaki zenbat utsegite.

        Nola onenbesteraño itsutzen eta txoratzen ditu etsaiak ainbeste anima? Ara nola, badakus etsaiak, nola Kristauak eman zuan Bataioko egunean hitza aldegiteko munduaren arrotasun eta zorakerietatik; baña ala ere gazte dan bitartean agertu nai duala bere burua ederki apaindua. Erakusten diozka bada bere kideakoak modara apaindurik dabiltzanak, eta esaten dio: Zu etzera horiek baño gutxiago. Zergatik etzera horiek bezala janziko? Zaletzen da gaztea jantziera berri ta modakuakin ibiltzeko. Ona munduko arrotasun eta zorakerietan irristatzeko gazteari etsaiak prestatu oi dion lenengo malla. Badabill gaztea ekusten dituan modai jarraituaz: gerotik gerora geiago itsutzen da modetara, eta azkenean ez du ortik agertzen diran janziera berriak egin ditzan artean. Ainbesterañokoa da batzuetan itsumen hau, non gazte moda-zalea prest arkitzen dan janziera berriak egiteko, naiz zorrak zorren gaiñ egin ditezela, naiz ez; naiz etxeko pakea galdu dedilla, naiz ez. Sasoi onetara etorzen danean anima etsaiaren sarean atxitua edo bekatuan amildua arkitzen da. Atozea, eta zenbat izango dira gaurko egunean, onela bizi diranak?

        Zuk, nere Çristaua, ez ipiñi zure gogo eta biotza modetan. Aldegizu lagun hero ta munduaren arrotasunen ondoren dabilzanetatik; eta iñoiz zere burua apaindu bear badezu, izan bedi hau modestia eta onestidade andiarekin.

 

aurrekoa hurrengoa