Dama ta galaia

          1

    Galaiak:

Dezu gorputz egokiya,

polita txit arpegiya

eta ederra begiya

zure begiya

agitz argiya

da guztiyetan aurrena;

bestiak dira urrena,

ori da-ta ederrena,

diruri eperrarena.

          2

Ez det, dama begi eder,

desiatzen beste ezer,

bañan bai... esango det zer

legezko birez,

faltsiyakiñ ez,

zu neretzako logratu;

nik orla naia obratu

txantxa dala ez pentsatu,

zutzaz naiz enamoratu.

          3

Konformatutzen bazera,

laster ezkonduko gera,

ez galdu orlako era;

biyok munduban

bizi-moduban

artutzen badegu parte,

asnasiak iraun arte,

jakiñian gera zaite,

nik izango zaitut maite.

          4

Millaka ditut ardiyak,

larogei ta lau ariyak,

mardulak eta guriyak;

zezen eta bei

berreun ta ogei,

sei eun eta bost iriyak;

baitare soro aundiyak,

belar ugariz jantziyak,

mantendutzeko guziyak.

          5

Nik ori guztiya daukat

ez balitz bezela deus bat,

badet-eta beste gauz bat

giltzaz azpiyan

leku itxiyan

dakat montuan billbilla

urrezko zenbait kurpilla;

uraxen bai dala pilla

ontzako utsak lau milla.

          6

Dauzkatanaren giltzaz be

zu egiñgo zaitut jabe,

bazeudeke duda gabe:

bara, begira,

izango dira,

orra eman notiziyak,

zure kontura utziyak,

dituzu-ta mereziyak,

etxeko giltza guziyak.

          7

Zer ongi biziko zeran,

nai dezuna jan ta eran,

guztiya zure aukeran;

jazteko ere

zuk ez batere

gastubari begiratu;

dendik onenetan sartu,

gayik ederrenak artu

eta soñak enkargatu.

          8

Alaja-zale bazera,

juango gera esatera

alajategi batera:

erakusteko,

zuk ikusteko,

dakaten alajeriya;

naiz bada're gariztiya,

izango da erosiya

gustatzen zaizun guziya.

          9

Zu serbitzeko nik ontan,

gauz oiek errira ontan

ez daude denda iñontan;

ta erostera

erri bestera

egiñgo degu, bai, jira;

nai badezu Donosti'ra

edo bestela Frantzi'ra,

ango zuk naizun errira.

          10

Esaten dizkitzutanak,

dira-ta ziñez esanak,

kunplituko ditut danak;

fiyatu zaite,

nik zaitut maite,

eta jakiñ zazu ezik

zugatik ez dala kasik

egiñgo ez nuken gauzik

gusto aundira ta pozik.

          11

Zutzaz enamoratuba,

nago kasikan artuba

illaren erretratuba;

miñik txarrena

dakat barrena,

animaraño sartuba;

au legoke sendatuba,

gauza bat desiatuba

nik baneka logratuba.

          12

Sendako litzaiket miña,

bestela senda eziña,

zu neretzako baziña;

azken ortara

ni nua bara,

guztiz intentziyo onez,

eziñ liteke-ta obez,

arren esazu faborez

neretzat zeran edo ez!

          13

      Damak:

Dirazu naitasun fiña,

gozua ta atsegiña

obiagorik eziña;

jakiñ naizuna

da erantzuna

esatiakiñ onela

alaxen banitz bezela,

zierto egon zaitezela

zuria izango naizela.

          14

    Au nik diyot:

Ara gauzak nola diran

egun artatik segiran

biyak alkarrenak ziran;

ordu ezkero,

au zan espero,

kunplitu-ta berak naia

ongi daudela da baia,

pasiaz bizi alaia,

gure dama ta galaia.

          15

Egiya nik esateko,

ez zebilltzan ezkontzeko

geldi-geldi egoteko

galaiak obra,

seguru sobra,

aurreratuba darama;

egiñ dirala da fama

bat aita, bestia ama,

gure galaia ta dama.