www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Bertso jarri guztiak
Txirrita
1886-1936, 1971

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Bertsio elektroniko honen jatorria: Txirrita. Jose Manuel Lujanbio Retegi, Txirrita (Antonio Zavalaren edizioa). Auspoa, 1992

 

aurrekoa hurrengoa

Bertso berriak
Txirritak jarriak

 

              1

Bigarren txandan Fermiñek kantak

ni mendratzeko pozian,

arrazoi-bide aundirik gabe

dabill tankera motzian.

orren kontuak bostetatik lau

gezurrak izango zian,

orain ordañak artu ditzala

ijituaren bozian.

 

              2

Ori tabernan sartu ezkero

beti aingeru-jazkeran,

arriturikan dago jendia

nola itotzen etzeran.

Buru guztiya nastua dauka,

faltatutzen du euskeran,

zeuk esan dezun funtziyu ori

etzan San Tomas bezperan.

 

              3

San Tomasetan seiak aldian

zertan etziñan juntatu?

Komenentziya jarriko nizun

nai bazenduen kantatu.

Nik orduantxe zein juango ziran

biar nuben apuntatu,

ipurdiyari atzegiozu

ez bazerade kontentu.

 

              4

Elkarri artu biar dizkagun

kargu-klasiak ok tia?

Kojuenera zertan ez bildu,

juan dan urteko tokia?

Nekatu gabe gustatzen zaizu

mokadu onak jatia,

kalerik kale nai al zenduen

ni zure billa juatia?

 

              5

Ernegatuta bezela nago

zu bezelako gizonez,

baldarragorik ez det billatu

ni akordatzen naizenez.

Isildu gabe beti or zaude

ona zerala esanez,

juango ziñake gustora baño

iñondik deyik izan ez.

 

              6

Geienak gera zaliak baño

kontu izan eranian,

ez al dakizu zer pasatzen dan

deskuiratzen geranian?

Nundik-nai deia izango dezu

trebe bazaude lanian,

zenbaitek danak paltsuak ditu

bera mozkortzen danian.

 

              7

Andriagandik apartatuta

iñoiz ibilli da ori,

erdi mozkorra zegon batian

berak esan ziran neri.

Arduarekin adiskide da,

gorroto gutxi lanari,

agindutzia ez du baliyo

berez alperra danari.

 

              8

Geren barrengo sentimentuak

esan ditugu itz biñan,

gaita txarrian egon bagiñan

orrentzat ainbat ez giñan.

Zenbait naigabe pasatu dezu

kaieko Portal-izkiñan,

oraiñ e noski etzera egongo

Hotel Maria Cristiñan.

 

              9

Gutxiyeneko bost ofiziyo

badituzu len pasiak,

ongi saiatu izan baziñan

baliyo zuten klasiak.

Berriz andikan ez dezu deyik,

gelditu ziran asiak,

argintzan bizi biar badezu

galduko zaitu gosiak.

 

              10

Lenago ere ibilli zera

oso tankera txarretan:

egunak pasa parrandan eta

lotan ukullu zarretan.

Ez dakit nola utzi dituzun

pagatuta edo zorretan,

nik baño obeto jakingo dute

Antigualde orretan.

 

              11

Gañera burlaz jarri dirazu

autsi derala besua,

asko dakiyen batek jartzeko

ai zer nolako bertsua!

Gizon txarrari edozein gauza

esanda're igualtsua,

ni ez naiz izan zu zeran bezin

alperra eta paltsua.

 

              12

Maiatza da-ta arrantz aundiyak

egiten ditu larrian,

atzian biar luken puska bat

lastimaz dauka aurrian.

Nere erdiya ez daki eta

ez da konforme parrian,

tontor aundiyak bajatutzeko

ez dabill leku txarrian.

 

              13

Jendia franko juntatu izan da

bertsolariyen sonara,

diru pixka bat irabazteko

franko paraje ona da.

Ez al zaizkitzu akordatutzen

lenagoko bi jornada?

Berrizko deyik nai duenikan

ez mozkortuta jun ara.

 

aurrekoa hurrengoa