www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Bertso jarri guztiak
Txirrita
1886-1936, 1971

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Bertsio elektroniko honen jatorria: Txirrita. Jose Manuel Lujanbio Retegi, Txirrita (Antonio Zavalaren edizioa). Auspoa, 1992

 

aurrekoa hurrengoa

Azpeiti'ko premiyuengatik

 

          1

Dozenatxo bat bertso

bear ditut bota,

jendiak jakin dezan

nik daukan nota.

Obeak asko dira,

ez naiz orren kontra,

baño itzegin nai det

sasoian nago ta.

Or dabil marroka,

al dana zurrupa,

iya jo du arroka,

ori da erropa,

alabatzera nua

Pello Errota.

 

          2

Pello, gaizki zabiltzala

aditu det oso,

enteratua nago

au dala kaso.

Zuek agure zar bat

egiteko falso,

zeok aundiyaguak

zerate akaso.

Premiyua jaso,

polsan sartu preso,

partitzeko manso,

denak bertan gazo,

gizonak ez dik bear

pantasioso.

 

          3

Juan Josek testigua

du erretoria,

izketako lanian

zer dotoria!

Iñon pare gabeko

predikadoria,

konfesiyuan ere

badu podoria.

Bajatzen ari da,

juan zaio edadia,

iya erori da

zeruko glorira;

Azpeiti'ko apaizen

diretoria.

 

          4

Beti keñuka zaude

loruaren gisa,

esanaz nagusitzen

zerala aixa.

Ori da jaiotzetik

eldu zaizun gaitza,

nere lañuak dakar

zuretzat ekaitza.

Zuk dezula giltza

erronkaz zabiltza,

nai badezu mintza

orain da agintza;

ez nago ukatzeko

ni nere itza.

 

          5

Zu ziñala onena

Donostiya'n uste,

amaika duro eder

eman dituzte.

Ez daukazu arturik

beste orrenbeste,

alperrik juango zera

berriz ara eske.

Or zabiltza triste,

erronka ta naste,

tabernan jai t'aste

ikusten zaituzte;

obiak bagaude gaur

zenbait gazte.

 

          6

Pello, jokatu dezu

amaika apostu,

kulpa zeorrek eta

zertan zapuztu?

Bertsoetako lanak

badu franko kostu,

ontan ezin liteke

iñor aberastu.

Zabiltzate justu,

ez iñori ostu,

partitzia aztu,

lotsa asko eztu,

gizon gezurtiyari

mingaña moztu.

 

          7

Bera baño oberik

ez dala iñun jaio,

tabernaren batian

ixuri zaio.

Izan ere egin du

amaika ensaio,

beste bi goierriar

arturik soziyo.

Gogotik da piyo,

gora nai du iyo,

au dala meriyo

jendia seriyo,

orgullo geiegiyak

ez du baliyo.

 

          8

Zuk badakizu joaten

besteren etxera,

pakian daudenak

endreatzera.

Norbaitek ordaintzeko

beldurtzen etzera,

Juan Jose isillik

diruba artzera.

Gizona zartzera

tristura sortzera,

odolak aultzera,

franko bajatzera,

zedorrek len bezela

kapaz al zera?

 

          9

Pello bertsolariya

oso dotoria,

Juan Jose Ugarte berriz

askoz obia.

Bein batian Tolosa'n

oien umoria!

Konportaren gañetik

pasa zan baria.

Deus ezta guria,

aik dute ploria,

naiz juan edaria

biba aguria!

Errekalden daukate

diretoria.

 

          10

Dibersiyo polit bat

obe degu pasa,

ala ematen diyot

nik nere traza.

Taberna-zokuetan

or zabiltza lasa,

guregatik esanaz

ez gerala gauza.

Kulpa banu utsa,

ze ote da kausa?

Giza-lege motza,

ez gera orren lotsa:

eskojitu lezake

nai duen plaza.

 

          11

Pello bertsolariya

guztizko pijua,

ez dauka semia're

nolanaikua.

Gaztia dalarika

soma aundikua,

aitak berriz diruri

kasik Jaungoikua.

Gizona bapua,

eztago plakua,

izdun galakua,

pare gabekua;

orain Amerika'ra

omen dijua.

 

          12

Pello bertsu oriyek

zuretzako dira,

probintziyan egingo

dutenak jira.

Gustoz egon ditezke

batzuek begira,

orain sendatuko da

zarraren erida.

Jar zazu segira,

artuaz medira,

egin eskojira

nai dezun tokira,

etzaitezela izan

nere kupira.

 

[~1895]

 

aurrekoa hurrengoa