www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Uhaineri nausi
Xabier Iratzeder
1958 -1971

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa  

NEREA DA ZERUA

 

                «Mios son los cielos»

                        (Joanes Kurutze. )

 

Nerea da zerua, nerea da lurra:

Zer ote duk, bihotza? Zeren duk beharra?

                Nerea da zerua, nerea da lurra:

                Kristo nitan baitut nik, zeren dut beharra?

 

Jendaldeak munduan denak ditut nere:

Zuzen diren jendeak, bihurriak ere.

 

                Nerea da zerua, nerea da lurra...

 

Aingeruak, Sainduak, Ama zerukoa,

Denak dire nereak bai-eta Jainkoa.

 

                Nerea da zerua, nerea da lurra...

 

Kristo baita nerea, Kristo neretako,

Hartan ditut guziak nereak betiko.

 

                Nerea da zerua, nerea da lurra...

 

Aita ganik bihotza, gauzak oro dauzkak;

Mahainetik zertako galdegin purruxkak?

 

                Nerea da zerua, nerea da lurra...

 

Bozkarioz atera eta pozez dantza:

Aintzaz antza kanta zak hi baitan den aintza.

                Kristo nitan baitut nik, zeren dut beharra?

                Nerea da zerua, nerea da lurra:

 

25-12-71

 

                AIREA: Ezkila, X.D.4

 

aurrekoa