www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Uhaineri nausi
Xabier Iratzeder
1958 -1971

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

ZERULEAK

 

                      Zeruleak,

                  Dena Jainkoari,

                      Eta Elizari,

                      Zeruleak,

                Izan, Kristo iduri,

                Lurrekoen ongileak.

 

Otoitz egiten ez dutenen izenean

        Ar zaitezte otoitzean.

        Zeruleak, zeruleak,

        Goiko indar ixurleak.

 

Denen nahasten dabiltzanen urratsetan

        Erein bake mundu huntan.

        Zeruleak, zeruleak,

        Bakearen ereileak.

 

Gaupean dauden dohakaben altxagarri

        Sineste pitz herriz herri.

        Zeruleak, zeruleak,

        Bihotz-argi emaileak.

 

Nor den Jainkoa, nolakoa, zuek ager;

        Zoin ona den erran dener.

        Zeruleak, zeruleak,

        Zuen obrak zer eleak.

 

Etor dadien Jainkoaren Erresuma,

        Goiti beha, goiti berma.

        Zeruleak, zeruleak,

        Denen Zeru egileak.

 

                      Zeruleak,

                  Dena Jainkoari,

                      Eta Elizari,

                      Zeruleak,

                Izan, Kristo iduri,

                Lurrekoen ongileak.

 

23-9-68. Oloroneko bidean

 

aurrekoa hurrengoa