www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Uhaineri nausi
Xabier Iratzeder
1958 -1971

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

                        Aurraitz

                        bizkaitar adixkideari

 

 

AMEN AMAREN...

 

Amen amaren

  bihotzean

nago Beloke-n,

  otoitzean.

amen Amaren

  bihotzean...

 

Herritik urrun

  bakar bakarrik

galdua zaude

  Venezuela-n.

Begitik nigar,

  barnetik amets,

badabilazu

  bai min eta lan.

 

Mundu bidetan

  zu bezalako

euskaldun gazte

  zenbat dabilan...

Balute denek

  zuk daukazuna

bihotz barneko

  zolaren zolan!

 

      * * *

 

Herritik urrun

  izanik ere

baleramate

  denek borroka!

Euskal-borroken

  garrait-tokia

ez da Bizkaia,

  ez da Gernika.

 

Euskal-Herria

  usteltzen duten

gaitzeri gauden

  gutan oldarka.

Gutan dadila

  Jainkoa bizi:

mende, jendeak

  Harek dabilzka.

 

      * * *

 

Amen Amaren

  bihotzean,

euskal-guduen

  sukarrean

biak bat gauden

  otoitzean.

 

20-3-60

 

aurrekoa hurrengoa