www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Uhaineri nausi
Xabier Iratzeder
1958 -1971

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

HENDAIA, URRUÑATIK...

 

Hendaia, Urruñatik Atharratzeraino

Erakuts gaur eskolan euskara gazteri:

Herriak denen gatik, munduak dirauno,

Ez dezan gal sekulan nihun ez den hori...

 

Arantzazun entzun da Lafiten nigarra:

Mendiez alde huntan akabo garela...

Haren nigarrak dauku berritzen indarra,

Sekulan haren karrak ez egin bezala.

 

Euskaldun burasoek bihotzik badute,

Hirietan ditela mintza gora-gora.

Guziak bat bildurik, galdegin bezate:

Erakutsia dadin eskolan euskara.

 

Aitamez bertzek ere, badute zer egin.

Haurren errienteri emaitean esku.

Bai, egiten badugu indar elgarrekin

Euskara bazterretan berpiztuko zaiku.

 

Gora Baxenabarre, Lapurdi, Xibero!

Erdararekin ikas herriko mintzaira;

Gure ahalgegarri, ez dioten gero:

«Hogoigarren mendean galdu zen euskara.»

 

19-10-68

 

                        AIREA: Zubirutik Sararat...

 

aurrekoa hurrengoa