LASTO FITSA

                Lasto-fitsa

          hunat ari, harat ari

        uhainetan pulunpari.

                Lasto-fitsa

                  zait iduri

          ni neraman ametsa.

Lasto-fitsaren zirimolen hitsa...

Itsas-uhainen lazgarriko hutsa...

                Lasto-fitsa

          hunat ari, harat ari

        uhainetan pulunpari.

                Lasto-fitsa

                  zait iduri

          ni neraman ametsa.

                    * * *

  Badoa, badoa

  lasto-fits gaixoa.

  Han harat badoa

  bainan zuk, Jainkoa,

  zuk nahi bezala

dabilazu itsasoa,

  uhainaren axala.

  Badoa, badoa

  lasto-fits gaixoa.

  Han harat badoa

  bainan zuk, Jainkoa,

  igor zure hatsa:

zainduz ibil lasto-fitsa,

  ni neraman ametsa.

12-11-70