www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Manual debozionezkoa
Joanes Etxeberri, «Etxeberri Ziburukoa»
1627, 1669

      [liburua osorik RTF formatuan]
      [inprimitzeko bertsioa PDFn]
      [faksimilea]
      [Literaturaren Zubitegia]

 

Iturria: Manual devotionezcoa edo ezperen oren oro escuetan errabilltçeco liburutchoa, Joannes Etxeberri (faksimilea). Hordago, 1978
Azken berrikustea: 2006-06

 

 

aurrekoa hurrengoa

BURU V

 

Iainkoari erraten zaion Arrosario
materiaren ereduzkoaren exenplua,
erran diren gauzen deklarazionearekin

 

        Exenplua

 

        Aitzinean erran behar den othoitza.

        O Iongoiko perfekzione, eta edertasun guztiez bethea, aithortzen dut eznaizela digne zure begietan presentatzeko, bai neure ezteustasun ezin deklaratuaren kausaz, bañan prinzipalki neure bekhatu handien gatik. Barkha dietzkidatzu Eternala, itsuskeria higuñak, zure handitasunak puxantza duen bezala eta miserikordia fin gabea ene aldera erakuts azu, aditzatzu indignearen agotik Arrosarioko othoitzak, konplizazu karitate amulsuaz humillki eskatzen natzaitzuna. Hala egizu Iainko ungi egille handia, eta emozu zeure buruari ohore, kreatura ezteusari othoitza aithortzen diozula.

 

 

Iainkoaren Arrosarioaren
lehenbiziko herena

 

        Bihi larrian

 

        1. Iainko hirur presuna zarelarik izate batekoa halaber arima, eta gorputz naizelarik egidazu grazia zurekin bat izateko. Iainko hirur presuna zarelarik izate batekoa.

 

        Bihi xeheetan.

        Hamarretan

 

        1. Iainko hirur presuna zarelarik izate batekoa, halaber arima, eta gorputz naizelarik egidazu grazia zurekin bat izateko.

 

        2. Iainko guztiz egiazkoa, egidazu grazia egiati izateko. Iainko guztiz egiazkoa.

        Iainko guztiz egiazkoa egidazu grazia egiati izateko.

 

        3. Iongoiko guztiz ona, egidazu grazia guztiz on izateko.

        Iongoiko guztiz ona, egidazu grazia on izateko.

 

        4. Iongoiko lekhu guztietan zarena, esenziaz, presenziaz, eta puxantzaz zaren ene baithan zeure graziez eta ontasunez. Iongoiko lekhu guztietan zarena.

        Iainko lekhu guztietan zarena, zaren ene baithan zeure graziez.

 

        5. Iongoiko egundañotikakoa eta sekulan izanen zarena, egidazu grazia ontasunean irauteko. Iainko egundañotikakoa.

        Iainko bethierekoa egidazu ontasunean irauteko grazia.

 

 

Bigarren herena

 

        1. Iongoiko zeurenez zarena ez berzek eta ez zeronek zeure burua egiña, indazu indar zure perfektki zerbitzatzeko. Iongoiko zeurenez zarena.

        Iongoiko zeurenez zarena indazu indar eta grazia zure perfektki zerbitzatzeko.

 

        2. Iongoiko nihoren ganik dependitzen etzarena, eta bai berze guztiak zure ganik, idukazu ene hagoan idukitzeko ardura. Iongoiko nihoren ganik dependitzen etzarena.

        Iongoiko nihoren ganik dependitzen etzarena idukazu ene hagoan idukitzeko ardura.

 

        3. Iongoiko ezin muda eta ganbia zaitezkena egidazu grazia ez zure zerbitzutik mudatzeko. Iainko ezin muda zaitezkena.

        Iongoiko ezin muda zaitezkena indazu grazia ez zure zerbitzutik illkhi eta mudatzeko.

 

        4. Iongoiko zathiz edo partez egina etzarena, bañan guztiz bat zarena egidazu grazia zurekin bat izateko. Iongoiko zathiz edo partez egina etzarena.

        Iongoiko zathiz edo partez egiña etzarena, bañan guztiz bat zarena egidazu grazia zurekin bat izateko.

 

        5. Iongoiko adimendu guztiz zuhur eta iratzarria duzuna, indazu ezagutza eta zuhurtzia munduan ungi gobernatzeko. Iongoiko adimendu guztiz zuhur eta iratzarria duzuna.

        Iongoiko guztiz zuhur eta adimendu iratzarria duzuna indazu ezagutza eta zuhurtzia, ungi gobernatzeko.

 

 

Hirurgarren herena

 

        1. Iongoiko borondate amulsua, parti diezadazu karitatea. Iongoiko borondate amulsua.

        Iongoiko borondate amulsua, parti diezadazu karitatea.

 

        2. Iongoiko puxantza guztitakoa defenda nazazu puxantki. Iongoiko puxantza guztitakoa.

        Iongoiko puxantza guztitakoa defenda nazazu puxantki.

 

        3. Iongoiko admirablea, indazu grazia zure mirakulluen miretsteko. Iongoiko admirablea.

        Iongoiko admirablea indazu grazia zure mirakulluen miretsteko.

 

        4. Iongoiko perfekzione guztiz bethea, egidazu grazia neure ahalaz, zure perfekzioneei iarraikitzeko. Iainko perfekzione guztiz bethea.

        Iainko perfekzione guztiz bethea egidazu grazia neure ahalaz zure perfekzioneei iarraikitzeko.

 

        5. Iongoiko gloriosoa, egin diezadazu grazia gloriaren ardiatsteko. Iongoiko gloriosoa.

        Iongoiko gloriosoa, egin diezadazu grazia gloriaren ardiatsteko.

 

        Azken bihian egin behar dena

 

        Azken bihian erran diren misterio guztiak laburki berriz erran behar dire, eta sobrarik baldin bada, halaber hek ere hitz gutitan behin erran behar dire, baldin luzaro berze Arrosario bat hasi nahi ezbaduzu. Baldin berze asti ordu batez errateko gelditzen bazare, laburki solament erranen tutzu.

 

        Misterio sobrak

 

        Iainko ezin osoki konzebitua, indazu grazia ene ahalek dirauten bezanbat zure konzebitzeko.

        Iongoiko ezin aski lauda eta aiphatua, indazu grazia, zure ungi lauda eta aiphatzeko.

        Iongoiko kreatzaillea, indazu grazia zure adoratzeko.

        Iainko begiratzaillea indazu grazia zure ontasunei ihardesteko, eta ezagutza bihurtzeko.

 

        Misterio komunak

 

        Arrosario batentzat misterio aski sobrarik izatu ezbaliz, hauk dituk konplitzeko.

        Iainko espiritua, libra nazazu haragiaren gutizia gaixtoetarik.

        Iainko Saindua egidazu prestu izateko grazia.

        Eta hunela asmatzak berze misterio komunak, partikularak ahitu direnenan Iainkoak eman doroken antze hoberenaz.

 

        Arrosario hunen ondoko othoitza

 

        Iainko handia, ene Arrosarioko othoitza entzun duzu, eta bekhatorearen intenzionea ikhasi: konplizazu haren othoitza, zeñak bere esperantza zure baithan ifiñi baitu. Zeure aberatztasun, eta handigoa konsidera zazu, eta halaber ene gabetasun eta ezteustasuna: nolakoa bainaiz ere, ez naiz neure, ez berzeren, bañan guztiz zure, zeure kreatura behar handian dena urrikal bekizu, eta puxantza duzun legez orain eta bethi fabora zazu.

 

aurrekoa hurrengoa