www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Manual debozionezkoa
Joanes Etxeberri, «Etxeberri Ziburukoa»
1627, 1669

      [liburua osorik RTF formatuan]
      [inprimitzeko bertsioa PDFn]
      [faksimilea]
      [Literaturaren Zubitegia]

 

Iturria: Manual devotionezcoa edo ezperen oren oro escuetan errabilltçeco liburutchoa, Joannes Etxeberri (faksimilea). Hordago, 1978
Azken berrikustea: 2006-06

 

 

aurrekoa hurrengoa

BURU I

 

        Laudorioak lehenik Iainko berari
        berak ordenatu gauzez

 

Laudatzen dut, Iongoikoa, zure maiestatea,

Eta aithortzen espiritu mirakulluz bethea.

Laudatzen dut izate bat presuna hiruretan,

Aita, Seme, Espiritu Saindua, deithuetan.

Aita bezain semea zare zuhur, puxant, fingabe,

Baita zu espiritua halaber duda gabe.

Lauda bada eta othoizten zaitut Iainko handia,

Presunarik hirur eta izate bat guztia.

Munduari zuk ziñotzan eman, lege hirurak,

Naturazko, skribuzko, graziazko segurak.

Orain dugu Giristiñoek zerbitzatzen azkena,

Eliz ama katholikak besarkatzen duena.

Kristau guztiak egin tutzu obra onetan partale,

Baldin zure manuaren badire guardatzaille.

Lege hunek iraunen du fiña artean mundua,

Eta orduan daiteke azken iuiamendua.

Hauk guztiak zeren tutzun ordenatu hunela,

Orain eta bethiere laudatua zarela.

 

aurrekoa hurrengoa