www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Nere bidean
Emeterio Arrese
1913

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Nere bidean, Emeterio Arrese. E. Lopez, 1913

 

aurrekoa hurrengoa

ONGI ETORRI

 

                Dugiols'tar Felipe-ri Filipinasko guda

                amaitu ondoren etorri zanean

 

Ama batentzat gud'erasoa

dalarik negargarria

beti gogoan daukalako an...

urrun, il zaion semia

gau illun ortan izan lezake

zerebaiten argizpia

jakiñik aren izena nola

goi-goi dagon ipiñia.

Argatik orain Filipinas-en

amaiturik gudaldia

zuk dakartzu an il ziradenen

gurasoentzat gordia

aiek amari bigaldutako

azken-agur t'eresia;

zuk dakartzu gaur andik iñork ez

bezelako edestia

onen orriyaz amak dezaten

eduki malko-zapia.

Pampanga, Nanka, Barasoain ta

Santo Tomas-ko uria,

iritxi zeran leku bakoitza

izanik garai-tokia,

zure bitartez eman digute

aitormen omengarria.

Jakin nai nuke zure ezpataren

altzairu dizdizaria

zenbat alditan erabilli dan

tximisten keñu bizia

balitz bezela etsai tartean

etsai odolez betia;

zenbat bider an zuk ote dezu

entzun oyu basatia,

zenbat alditan sutunpadaren

burrunbots izugarria;...

bañan, aurrera! oldartze bidez

zu ta zure giz-taldia,

aurrera, beti! gogor arturik

eskuban jazar-burnia,

Ega bizkorrez Filipinas-tik

erdu zan zure berria

esanaz nola ziñaden ango

garaimenlari zolia;

zu goitu zale asper eziñik

oyartzun ibilkaria

mendirik-mendi zabaltzen dabill

ots eder alaigarria.

Bejondeizula!; illezkor bedi

zure aintz agurgarria.

 

aurrekoa hurrengoa