NESKATO UTZIA

                «Frûh, wann die Hähne krähn...»

                MÖRIKE, Das verlassene Mägdlein

Izarrak oraindik argitzen ortzean,

Ta ni emen nago, zutik sukaldean.

Su piztu bear dut, gaur atzo bezala,

Biotza kolkoan minez daukadala.

Ederra da, zinez, sugarren dirdira.

Zapartaka doaz txinpartak goitira.

So-dagit nekean osoz murgildua,

Ta onaino dator oilarren oiua.

Tupustez datorkit, mutil etoi ori,

Zurekin bart egin dedala amets yori.

Ordun su-ondoan, ni negar ta negar;

Nitzat urgazirik ezerk ere ez dakar.

Ortzea argitzen da, badator eguna.

Oi, naiago berriz ailitzait yoana.

                        Yakintza, 1935