ZU BAITAN DUT...

Zu baitan dut nik aita,

aiten Aita, Jainko Jauna.

Eguerditan hil-eta,

zu ganat zait gana...

Betiere pilotari

airez aire laster ari,

zu baitan dut nik aita:

zurekin eta zuk bezala

orai besainka derabila

mundu-zabalaren pilota.

Izarretan ihiztari

oldartua ilunberi,

zu baitan dut nik aita:

argi betean zoriontsu

igorriko daut iguzki-su

guziak ditzadan zeruzta.

Munduz mundu borrokari

beti xuri-aintzindari,

zu baitan dut nik aita:

fedegabeko gorrietan

iraganen da zirti-zartan,

iduri gauez gau ximixta.

Zu baitan dut nik aita,

aiten Aita, Jainko Jauna.

6-1-76