www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jaunaren hegala
Xabier Iratzeder
1972 -1980

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

SAGAR-ONDOARI...

 

Sagar-ondoari

        ez galda ezkurra,

ez haitz-ondoari

            sagarra.

 

Ezkurra ezkur:

zaren hura izaitera

ez izan beldur.

Ezkurra ezkur.

 

        Sagar-ondoari

                ez galda ezkurra...

 

Sagarra sagar:

ezkurretik haitz-ondoa

da sortu behar.

Sagarra sagar.

 

        Sagar-ondoari

                ez galda ezkurra...

 

Euskaldun egon;

eta beti euskaldunago,

osoki gizon.

Euskaldun egon.

 

        Sagar-ondoari

                ez galda ezkurra,

        ez haitz-ondoari

                    sagarra.

 

            * * *

 

Ezkur bai sagar:

ez-berdinek zeren gatik

ez onar elgar?

Ezkur bai sagar.

 

        Sagar-ondoari

                ez galda ezkurra...

 

Sagar bai ezkur:

lurrekoek, egin denek

elgarri agur.

Sagar bai ezkur.

 

        Sagar-ondoari

                ez galda ezkurra...

 

Euskaldun ager,

idekia guzieri

Jaunari esker.

Euskaldun ager.

 

        Sagar-ondoari

                ez galda ezkurra,

        ez haitz-ondoari

                    sagarra.

 

28-9-76

 

                AIREA: Otoizlari - 83

 

aurrekoa hurrengoa