IRUDI VI GARRENA

Lizar, Ramon

        LIZAR

Ramon! non da Ramon! aren billa nabill.

        RAMON

Zer zauku gertatu! gaituzte norbeit hill!

        LIZAR

Ez! Ramon behar dut.

        RAMON

                                Lizar, Ramon ni naiz.

Baiñan noren manuz unat etortzen haiz?

        LIZAR

Jauna zure galdez mendian dabilza.

Oraindik ez dakit non den tropa belza.

Baiñan urrutitik oiuka diote:

Etxean zaiztenak lasterka zatozte!

Ramon Mendizabal? datorla! datorla!

Etsaien eskutik, ar beza Karmela!

        RAMON

Zer diozu Lizar?

        LIZAR

                        Egia da Jauna.

        RAMON

Etsaien eskutan?

        LIZAR

                        Gure Karmel ona!

        RAMON

Zorigaitz! zorigaitz! etsaien eskutan

Nere andragaia dago nigarretan!

Zerbeitek ni baitan ninduen erraten,

Illun egun untan, zer zen gertaturen.

Madarikatua lurrean errestan,

Izan al ditezken, zorigaitz anditan,

Izan bedi beti saldu gaituena!

Etsaiek mendia dakate berena?

        LIZAR

Ikusi nuen nik mendi kanttaletik.

Erreka barnean besotan arturik,

Berekin batean antxet zamatela,

Zelaian barnaka, etsaiek, Karmela.

        RAMON

Bainan zein alderat eramaten zuten

Ez zinduen andik begiez ikusten?

        LIZAR

Jauna soroetan odol ixuriak,

Utzi tu bideak osoki gorriak.

Odolen bidea, zuk an segitzean,

Arkituko duzu Karmela larrean.

        RAMON

Atoz, Lizar beaz, berdin zuk nai duzu.

Eriotz kolpea zuk eman nakazu.

Banoa! banoa! galdurik bihotza.

Eskual Errientzat galtzerat bizitza.