www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Elizara erabiltzeko liburua
Joanes Etxeberri, «Etxeberri Ziburukoa»
1636, 1665

      [liburua osorik RTF formatuan]
      [inprimitzeko bertsioa PDFn]
      [faksimilea]
      [Literaturaren Zubitegia]

 

Bertsio elektroniko honen egilea: Josu Landa Ijurko.

Iturria: Eliçara erabiltçeko liburua, Ioannes Etcheberri. Mongiron Milanges, 1665.

 

 

aurrekoa hurrengoa

I. ETXEBERRI DOTOR THEOLOGARI

 

Elizara erabiltzeko, egin duen
liburu hunen gañean, laudriozko koplak

 

Alexandreren, Homero

Baño hobeagoa,

Etxeberri darokuzu

Egin liburutxoa.

 

Hark irakatzten zituen

Gerlataka arteak,

Bañan hunek arimaren

Salbatzeko legeak.

 

Mazedoniar hark hura

Zerabillan berekin,

Gauaz ere irakurtzen

Ohean argiarekin.

 

Bañan guk hau gehiago

Dugu erabilltzeko,

Eta gauaz eta egunaz

Bethi irakurtzeko.

 

Zeren hanbatenaz xitzen

Duen Homerorena,

Zenbatenaz salbatzeko

Arteak gerlarena.

 

                        Ioan Claveria aphezak

 

 

HARK BERAK HARI BERARI
BERZE LAUDORIOZKO KOPLAK

 

Burlatzen naiz Garibaiez

Bai halaber Etxabez,

Zenak mintzatu baitire

Erdaraz eskaldunez.

 

Ezen zirenaz gerostik,

Eskaldunak hek biak,

Eskaraz behar zituzten

Egin bere historiak.

 

Ezkaraz egin ditutzu

Etxeberri zere obrak,

Ohoratu nahiz zeure

Ahalaz herritarrak.

 

Zer errefau eder baita

Hitzkuntza arrotzetan,

Hura aditzera ematen

Daroezu beretan.

 

Esker bada eta aithor

Duzula berezia

Zeren ohoratu duzun

Herritaren mihia.

 

 

I. ETXEBERRI DOTOR THEOLOGIARI

 

Orenetako salmu bazuen parafrasa

egiñ duenaren ganean,

bere adiskideak laudoriozko koplak

 

Munduz mundu zebillana

Dabid maniura iotzen,

Hitzkuntzetara salmuak

Zituela itzultzen.

 

Zuk geldiarazi duzu

Orain gere herrian,

Ederki kanta detzala

Aldiz gere mihian.

 

Arrazoñ zen egiñ zetzan,

Zergatik Kantabria,

Deitzen baita Pirenea

Gere bazter herria.

 

Berant eragiñarazi

Arren ezta antsia

Kanta ederra zeren baita

Bethi ungi ethorria.

 

Laudorio bada bihur

Dakizula zuzena,

Kantarazitzaille zeren

Zu baitzare lehena.

 

                        Tristand de Aphezte aphezak

 

 

HARK BERAK, HARI BERARI,
BERZE LAUDORIOZKO KOPLAK,

SUBIEKT BERAREN GAÑEAN

 

O Dabiten kanta ederren

Banarazitzaillea,

Zuri zordun zaitzu eskaldun

Kopla maitatzaillea.

 

Tentazioneak urrun

Diotzotzu khasatzen,

Eta bihotz tristeziaz

Bethea konsolatzen.

 

Ariñara zitzen ere

Diotzotzu nekeak,

Ahairera dadutzala

Beharriak erneak.

 

Hala Saulenak zituen

Dabid berak egiten,

Maniureaz zioela

Aitziñean kantatzen

 

Laudorio bada handi

Duzula eskaldunez,

Laphurtarrez, bizkaitarrez

Baita nafar Iruñez.

 

aurrekoa hurrengoa