www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Bertsuak
Manex Etxamendi
1895-1954, 1972

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Antzerkia, Lauaxeta (Jon Kortazarren edizioa). Euskal Editoreen Elkartea, 1990

 

aurrekoa hurrengoa

NEVADAKO ARTZAINARI (III)

 

                Airea: Lili bat ikusi dut baratze batean.

 

Nevadako artzaina,

zure lagunekin,

Zuekin mintzatzeaz

anitz dut atsegin.

«Carson»-eko menditan

zer duzuen egin,

Esplikatzera noa

bozkariorekin.

 

Zure azken pertsutan

dautazu aipatu:

«Guk egin ihiziaz

ez egin espantu...».

Holakorik ez baita

oraino gertatu,

Gauza hori nahi dut

pertsutan agertu.

 

Hartzak malur eginik

zure ardi tropan,

Ederki enganatu

duzu zure «tranpan».

Han zagolarik kexu,

jarri zaizko miran

Eta zonbait pirola

sartu haren tripan.

 

Hiru hartz sartu dira

beste artaldera,

Han eginen zutela

gustuko fera.

Kaiet'ek, ttutta-beltxa

harturik eskura,

Hartz-ama botatu du

lau zangoez gora.

 

Hartz-ume heiek aldiz,

ama hilez geroz,

Arbola batetarat

igan dire airos.

Amaren doluz hantik

ari ziren orroz;

Kaiet'ek bota ditu

biak bira tiroz.

 

Artzain batek hiru hartz

oren batez hilik,

Hori aipatu gabe

nor egon ixilik?

Mañex berearekin

han baitzen bipilik,

Lau hartz ezarri tuzte

metara bildurik.

 

Orai arrantxo hortan

badute pausia,

Artzainak, Bortiarrak,

bai-eta nausia.

Batita, izan zazu

hotan fidantzia:

Ongi zainduko dute

artalde guzia.

 

Orotan hedatu da

nik uste Depexa:

Ihizin ein dutela

gaitzeko helexa.

Artzain maiteak, hori

ez da lan errexa.

Nik laudaturik ere

etzaiztela kexa.

 

Elgarren estimua

atxiki dezagun.

Bake-amodioan

dautzuet nik egun.

Bai, izan gaiten beti

eskualdun-fededun,

Zeruan ere elgar

ikusi dezagun!

 

1949

 

aurrekoa hurrengoa