KATOLIKO BATASUNA

                Airea: Eskualdun bat zen itsu eta pertsulari.

Horixe da Galerna

Frantzia barnetik:

Denak inarrosten tu,

zoin bere gunetik.

Apalak, aberatsak,

barnetik, kanpotik,

Bai etare Eliza,

guzien gainetik.

Galerna horren pean

xede hau badute:

Fraide eta serorak

kendu nahi tuzte.

Horier jazartzeko...

hobena nun dute?

Holako desmasiak

geldi ordu luke.

Gaixtaginak kargutan

ditugu ikusi;

Gure bake gozoa

hek dute nahasi...

Otsoa artaldean

ez uztekotz nausi,

Iratzartzen norbaitek

behar zuen hasi.

Castelnau jenerala

hor zauku xutitu.

Gu haren oihuari

milaka segitu.

Oraitikan elizak

armadak baditu.

Jainko Jaunak zerutik

lagunduren gitu.

Soldado izan gira

Erresumarentzat,

Bai eta obedient

hango nausirentzat.

Soldado gira orai

gur'elizarentzat,

fidel izan gitezen

buruzagientzat.

Fidelki bat eginez

orok elgarrekin,

Indarrik handiena

dekegu gurekin...

Xinaurri ta urzuak

zer ein zuten behin,

Kondatuko dautzuet

mila plazerrekin.

Itsas hegi batean,

hor, jaun-ihiztari

Tiroa tiratzera

zohan urzo bati,

Xinaurriak urzoa

baitu urrikari,

Ausiki bat ein zion

ihiztariari.

Ihiztari jauna zen

jauzian gibeldu

Eta urzoa aldiz

airian partitu.

Jaun harek xinaurria

itxasoan sartu:

Gaixoak, hor, bizia

abantxu du galdu.

Xinaurriaren lagun,

urzoa, flafla-fla,

Lasto piru batekin

han zen berehala.

Xinaurria emanik

lastoño hartara,

Mokoan baderama

berriz leihorrera!

Hersturetan bagira,

zorigaitzez, egun,

Gu ere izan giten

batzu bertzen lagun:

Katoliko guziek

bat egin dezagun!...

Jainkoa norekin den

ez dea ezagun?

1926