www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Bertsuak
Manex Etxamendi
1895-1954, 1972

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Antzerkia, Lauaxeta (Jon Kortazarren edizioa). Euskal Editoreen Elkartea, 1990

 

aurrekoa hurrengoa

TOBERA-MUNSTA BATZUEZ

 

                Airea: Nun utzi dun astoa, Mari Kalamardin.

 

Bi mutiko jin zauzkit

bertsu berri galdez,

Tobera-munstra batzu

muntatu beharrez:

Sujeta zen auzoko

bi senar-emaztez...

Bainan, gizonez gizon,

erran deiet ezetz.

 

Galarrotsak eskuaraz

egiten direla!

Usaiak begiratu

behar ditugula!

Hori, ene gostuko,

arrazoin ahula:

Gaitza gaitz da eskuaraz

erdaraz bezala.

 

Ohidurak zaintzen tut

onak direlarik.

Ez dut nahi zikindu

nehoren famarik.

Norbaitek egin badu

behar etzuenik,

Gauzaren xuritzeko

ez dea jujerik?

 

«Gaitz guziak ez dire

legepean sartzen;

Hortako juiek nehoiz

ez dute punitzen!»

Baditake, bainan nik,

zer nahi dadien,

Jainkoaren gain ditut,

juia ditzan, uzten...

 

Alegiazko auzi

batzu egitea,

Nehor kolpatu gabe

ongi jostatzea,

Alegre eta garbi

atxikix elea,

Hori zaut duda gabe

kostuma maitea.

 

Gazteak, munta beraz

ahalik maizena

Tobera hoietarik,

eta jin ni gana:

Ez naiz irrien etsai

ez eta xauxuna,

Nahiz egina dauten

seriosaren fama.

 

1912

 

aurrekoa hurrengoa