www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Olerki galduak
Antonio Arruti
1913-1919, 1998

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Olerki galduak, Antonio Arruti (J. Etxeberriaren, K. Zubizarretaren eta J. Letonaren edizioa). Elkar, 1998

 

 

aurrekoa hurrengoa

ERBESTEAN

 

Egun onetan, nori neurtitzak

Bear diozkat atera?

Zertara zuen aurrera nator

Euskeraz hitz egitera?

Badakizute? Zerbait ekarri

Nairikan gaurko jayera;

Albanezake jartzera goian

Txit maite dedan Euskera.

 

Ainbeste izkuntza ez dirade emen

Gaurko batzarrean bitu?

Al zuan eran bakoitzak bere

Gogoak azaldu ditu.

Ta isill Euskera? Ta isill euskaldun

Zintzo bat orain gelditu?

Erroman ere noizbat bear zan

Aitor'en izkuntza aditu.

 

Emango diot agur samur bat

Aita maitagarriari,

Ludi zarrean eta berrian

Ezagutua zanari;

Emanik aintza guztiz bikaña

Bere Ordena danari,

Doibatzaren mall goinekora

Orain igo zaigunari.

 

Emango diot lore polit bat

Egonik arren neguan,

Egonik arren mendiak zuri,

Ta odei beltzak zeruan;

Lore polit bat emango diot

Likurta txit gozo duan

Euskal lorea: Maitasunak

Sortu dit nere barruan.

 

Egun ederra bene-benetan

Zuretzat gaurko eguna!

Begira, zuri begira dauden

Semien alaitasuna!

Gure biotzak beretzat artzen

Du zure gaurko ondasuna;

Eman deizula, Aita maitea,

Jaunak luzaro osasuna.

 

Ez dezu ulertzen? Ez dezu beintzat

Entzuten euskal-doñua?

Eresi erraz baten antzera

Nere neurtitza dijua;

O zein samurra dan gure euskera!

O zein ezti ta gozua!

Baña nekatu zeran bildurrez

Emen amaitzera nua.

 

aurrekoa hurrengoa