AMA NESKUTSAREN SORTITZARI

Egun onetan hartu zadazu

Neskuts errurik gabia,

Biotzetikan irteten zaidan

Agur eztitsu maitia;

Egun honetan sortu ziñan zu,

Zerutar egun sentia,

Atsegintzeko negarrez eta

Zotiñez zegon ludia.

Agertu baño lenago zure

Iduri kutun-kutuna,

Zer zegon emen gizon artean

Ez bazan gau txit illuna?

Txalo bikainez izan dedilla

Goitua gaurko eguna

Beragandikan datorrelako

Gogoaren osasuna.

Gora jasorik begi malkoz ta

Itxaropenez beteak,

Nola ziraden zuri begira

Egon Ebaren semeak!

Egun onetan osoro bete

Zinduzun aien usteak,

Zabaldurikan ugari zure

Esker eta mesedeak.

Alako eran orratzak ez du

Iparraldea billatzen,

Alako eran ez intz gozua

Lur kiskalduak eskatzen,

Ez umezurtzak Ama kutunen

Gogoramena maitatzen

Egun eder au zuten bezela

Gizon guztiak opatzen.

Elurra baño txuriago, ta

Lore guztiak atzean

Ipiñirikan, o zeiñ apaña!,

Zuk arpegia agertzian,

Lilluraturik gelditu dira

Zeruan eta lurrean,

Esanik: o zein ederra gure

Miren dan bere sortzean!

Izan dedilla goitua beti

Gure Jaungoiko samurra,

Poztu dedilla malko garratzak

Irintsi dituan lurra;

Albistaturik urtu zaigula

Samin guztien elurra,

Etorri zera gugana, Miren;

Artu zaidazu agurra.