www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Lili-txingar
Alejandro Bilbao, «Erramun Maruri»
1928, 1965

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Lili-txingar, Maruri'tar Erramun. Graf. Izarra, 1965

 

 

aurrekoa hurrengoa

Euskelduna ta euskera

 

Bata bestearentzat badira

Txapela ta euskelduna

Zetako orretarako ezpada

Euskelduna ta euskera?

 

Aspaldietan nik ikusten dot

Euskera oinperatua,

Euskeldunek berak direala

Euskeraren borrerua.

 

Ikusirik orrela euskera

Biotza daukat mindua,

Noz ikusiko aut euskelduna

Nik zentsunean sartua?

 

Sei milla urtean eutsi deutsea

Euskeldunak euskerari,

Zegatik orain saldukeria

Egin biogu Amari?

 

Sei milla urtegaz Ama euskera

Zakust errukigarria,

Semeak zuregaz aztu dira

Erruki zaitut nik Ama.

 

Sei milla urte semeak asiten

Beti nekez, beti lorrez,

Ta sari guztitzat sari orduan

Bete zaitue esker baltzez.

 

Nire odola, nire bizia

Ezetako deus badira,

Artu egizuz, zeureak dira,

Ama euskera gaxoa.

 

                        Ondarribi, 1924

 

aurrekoa hurrengoa