www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Lili-txingar
Alejandro Bilbao, «Erramun Maruri»
1928, 1965

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Lili-txingar, Maruri'tar Erramun. Graf. Izarra, 1965

 

 

aurrekoa hurrengoa

Kalbarioak

 

Pilatok epaitu dau

Gure Jesus ona

Lapur biren erdian

Gurutzen iltera.

 

Lapur biren erdian

Doya Jesus ona

Gurutze bizkarrean

Balitz lez gaizkiña.

 

Lenengo aldiz lurra

Jo du Jesus onak

Jausi erain deutsela

Gure pekatuak.

 

Ama-semek bidean

Dirade arkitu

Bata besten biotzak

Egiñik urratu.

 

Simon zirenetarra

Lagun omen dotse,

Ez yaken bidean il

Eronaz gurutze.

 

Beronikak errukiz

Zamuz arpegia

Emen garbitu eutson

Arturik saria.

 

Bigarren aldiz lurra

Yo dau Jesus onak

Aztunak izan bear

Gure pekatuak.

 

Ez nitzaz negar egin

Andre errukitsuak

Ezpada zeuekaitik

Diño Jesus onak.

 

Irugarren aldian

Emen yo dau lurra

Ezagutu dagidan

Neure pekatua.

 

Emen billustu eben

Jesus lotsatia,

Niri lotsa sartzeko

Ain lotsabakoa.

 

Gurutzen yosten dabe

Gure gaizkalea,

Odolez eros dagin

Gizonen gogoa.

 

Orra gurutzen illa

Zure Jaugoikoa,

Irabazi dagian

Zure maitasuna.

 

Gurutzetik yatsirik

Jesusen gorpua,

Bere amak artu dau

Samiñez urtua

 

Orra obiraturik

Zure gaizkalea,

Noz arte izango zara

Zu pekataria?

 

                        Ondarribi, 1924

 

aurrekoa hurrengoa