www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Lili-txingar
Alejandro Bilbao, «Erramun Maruri»
1928, 1965

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Lili-txingar, Maruri'tar Erramun. Graf. Izarra, 1965

 

 

aurrekoa hurrengoa

Txapelketa arrigarria

 

Bazkaldu barik

Bazkal ostean

Bañola egon

Leon anayaz

Prantzisko Deuna

Zingira eder

Baten ondoan.

 

Ezer yan barik

Jainko aintzalduz

Sarri zegiten

Bete legea,

Baño oingoan

Beranduarren

Ogi pusketan

Baukean pilla.

 

Egarri ase

Onez gañera

Iturri eder

Ur otzekoa,

Aldamenean

Autxek aukean

Jainkoak jarria.

 

Landa zagala

Ebela maya,

Zamu ederra

Zamu biguña

Pitxi lorakaz

Egon egiña.

 

Ordu artako

Lo-xuxta ondo

Eginik eukan

Urretxindorrak.

 

Zingira ertzen

Abar artean

Eukazan berak

Abesti-gelak.

 

Ezaguturik

Zirela biak

Gizon ontsuak,

Oleskalari

Ari zan bera

Gogoz egiten

Txorrotxioak.

 

Urretxindorran

Abesti gozok

Entzun orduko,

Olerkaria

Gain eta barru

Oldar oldarrez

Asaldatu da.

 

Ta agindu eutson

Anai Ieoni,

Jainko aintzaltzen

Zein zan nagusi

Ezta-baidean

Urretxindorraz

Une berean

Bearko zala

Antxek ikusi.

 

Ta anai otzanak

Erantzun eutson

Atxakietan

Estu ta larri.

 

«Ene Prantzisko,

Zelan gura zu

Nazen txatxarra

Abestuteko,

Doirik gabea

Abestietan

Burrukalari

Urretxindorraz

Nik egitea?».

 

«Orretarako

Zu zara ona

Olerkalari

Doiz betea,

Ta abestuteko

Abots gozoa

Jainkok daukazu

Zeuri emona».

 

Geyago barik

Prantzisko Deunak

Biderdi dagi.

 

Ta zorionez

Ganez ganezka,

Abestietan

Jainko aintzaltzen

Zein dan geyago

Txapelketean

Erakusteko

Urretxindorraz

Aurrez aurrezka,

Abestiari

Jardun asi da.

 

Eguzkiari

Maitasunari

Goiko Jaunari

Abots gozoan

Eresiñetan

Bein eta berriz

Abesten dotso

Prantzisko Deunak.

 

Ta Urretxindorra

Bere txandean

Bere doñuan

Txorrotxiotan.

 

Beti bardiña

Beti gozoa

Beti barria

Bere doñua,

Gizaldietan

Egon daiteke

Aspertu gabe

Entzuten bera.

 

Urretxindorrak

Errez goitu dau

Olerkaria,

Abestietan

Bien artean

Zala burruka.

 

Deunen eskutik

Sari artuta

Ogi mirriñak,

Goi-onetsia,

Pozaren pozez

Itzuli ei zan

Urretxindorra

Bere kabira.

 

                        Ondarribi, 1925

 

aurrekoa hurrengoa