www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Au, ori ta bestia
Jose Manuel Etxeita
1913

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Au, ori ta bestia, Echeita'tar Joseba Imanol.  Florentino Elosu, 1913

 

 

aurrekoa hurrengoa

AGUR AURETXU

 

        Batxi

Urrinetara aldentzen zara,

Auretxu bijotzekua,

Beti goguan zaukadazala,

Galdurik daukat buruba.

Nora zaruez, ixar ederra?

Zein zeure bixilekuba?

Zure argija estaltzen bayat

Illunduko yat munduba.

 

        Auretxu

Bai, neure Batxi, maite-maitia,

Laster atzerrira nua,

Egin biar dot makur-makurrik,

Gurazuen agindua.

Batxi, zu zara niretzat beti,

Gixaseme maitatua,

Eta edonun ixango zaitut

Sarritxu gomutatua.

 

        Batxi

Argitzen naben ixar ederra,

Estaldurik dagonian,

Zelan, maitia, bixi neiteke,

Emen illuntasunian?

Bijotzillagaz eta artega,

Betiko naibagepian;

Agur Auretxu, otzak ilgo nau

Emetik zuazanianl

 

        Auretxu

O Batxi, Batxi, naibagetuba,

Orrek dira gogamenak!

Noizbait aringo biurtzen dira,

Atzerrira duazanak!

Baketu, bada, eruapenaz,

Zeure artegatasunak,

Jainko lastanak ekarrikozkuz,

Geuk nai doguzan egunak.

 

        Batxi

Jaungoikuazko itxaropena,

Beti guztiz eztitzua,

Ibituten dauz estutasunak,

Baketuten dau gogua.

Baña, Auretxu, zuazanian,

Ai! neure bijotzekua!

Zeu aldenduaz eruango dot,

Bixitza naibagetzua.

 

        Auretxu

Jaurti aldera gogamen txarrak,

Sendatu itxaropena,

Zugaz ta nigaz gertatuko da,

Jaungoikuak nai dabena.

Maitatu alkar zintzotasunaz,

Arturik eruapena,

Goiz edo belu batuko gaituz,

Jaungoikok alkarregana.

 

aurrekoa hurrengoa