www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Au, ori ta bestia
Jose Manuel Etxeita
1913

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Au, ori ta bestia, Echeita'tar Joseba Imanol.  Florentino Elosu, 1913

 

 

aurrekoa hurrengoa

ZARTZARUA

 

        Aurele

Gaztiak jantzan dabiltz,

Zelai zabalian,

Tanbolin jotzallia,

Dago ekiñian.

Zegaitik guk egin ez,

Gogaldi onian,

Egiten gendubana,

Gante giñanian?

 

        Bartolo

Larogetabat urte,

Sorbalda ganian,

Daruazuz Aurele,

Emen zerupian.

Jantzan nai dozu egin,

Zelai zabalian,

Arpegi tximurtubaz,

Zartzako nekian?

 

        Aurele

Arpegi tximurtuba,

Galbarra buruban,

Lau ortz bakarrik dodaz,

Nik neure abuan.

Baña Bartolo, sendo

Garriz beraguan,

Ankak neuriak dodaz,

Jantza ta aurrezkuban.

 

Amaika jantzalditan

Ixan ziñan lagun,

Beti txorija legez,

Saltari ta bigun!

Bijok alkarren adi,

Jolasten edonun,

Azkenez ezkondubak,

Eta zorijondun.

 

        Bartolo

Ai! Zein galanta ziñan

Aurele orduban!

O! Zein tayu itzala

Orain zartzaruan!

Zeuri begiratubaz,

Zagozan tayuban,

Zerbait minberatzen yat,

Bijou neketuban.

 

        Aurele

Eta nun da Bartolo,

Zure irudija,

Morrosko ederra ta,

Aurrezkularija?

Bijok agiri dogu,

Irudi barrija,

O! Zein atsekabia,

Zartzaro-aldija!

 

aurrekoa hurrengoa