www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Au, ori ta bestia
Jose Manuel Etxeita
1913

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Au, ori ta bestia, Echeita'tar Joseba Imanol.  Florentino Elosu, 1913

 

 

aurrekoa hurrengoa

SABAS ARTZAÑAREN AGURRAK

 

                («Jayoterri Maitia»n)

 

—Agur Ardibasoko

Ardizain maitiak,

Ardi ederrak eta

Ibai ta etxiak;

Agur Aritz-tantai ta

Asaben bidiak,

Erbestera narue,

Neure naibagiak.

 

        —Agur ba geure bijotzetako,

        Ardizain laguna,

        Urte askotan euki daixula,

        Beti osasuna;

        Zorijonagaz biurtu zaite,

        Oso diruduna,

        Billatu gero jayoterrija,

        Ain maite dozuna.

 

—Agur Ardilandako

Alboka jotiak,

Artzain kanta gozuak

Zantzo ta barriak.

Agur Ibaigardengo

Ur garden garbiak;

Zugatz ederrak eta

Mendi-bitartiak.

 

        —Agur ba geure bijotzetako...

 

—Agur maite dodazan

Asaben errijak,

Agur emen dagozan

Ekandu garbijak;

Agur jayoterriko

Erritar guztijak,

Neure oraiñ arteko

Atsegingarrijak.

 

        —Agur ba geure bijotzetako...

 

—Agur Jule lastana,

Nora zara juan?

Zegaitik jarri zara,

Gexozain munduan?

Beti eukiko zaitut,

Bijotz neketuban,

Ikusten ezpagara,

Ixan bei zeruban.

 

        —Agur ba geure bijotzetako...

 

aurrekoa hurrengoa