www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Au, ori ta bestia
Jose Manuel Etxeita
1913

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Au, ori ta bestia, Echeita'tar Joseba Imanol.  Florentino Elosu, 1913

 

 

aurrekoa hurrengoa

SARDIÑA SALTZALLIA

 

Oñutzik eta magalak gora,

Buruban otar andijak,

    Sardin-saltzallak

    Ixaten dabez

Azkar dabiltzan aldijak.

Tayu orretan ikusten dabez,

Ingurubetan errijak,

    Gogotzu deika

    Diardubela

—Sardiña bixi-bixijak!

 

Eztauz bildurtzen ekaitz gogorrak,

Aixiak eta eurijak,

    Aurrera duaz

    Bizkor jarraitzen

Zelai ta mendi guztijak.

Sarri-sarritan egiten dabez

Ibilte gaixogarrijak,

    Baña alaitzu

    Deituten dabe

—Sardiña guztiz andijak!

 

—Entzuixu, Juste, sardin-saltzalle,

Zegan dozu oraingua?

    —Eder-ederra,

    Josepa-Karmen,

Oraintxe arrapatua.

Bi txakurrian guztiz merke da,

Esan leike dubakua,

    Artuixu arin,

    Amaituko da,

Aringo otzarakua.

 

O emakume errukigarri,

Orrek dira lan gogorrak!

    Txakurtxu batzuk

    Irabasteko

Naibage guztiz okerrak.

Baña nekiai jaramon bage,

Jarraitzen dozuz basterrak,

    Deika ta deika

    Diarduzula

—Sardiña eder-ederrak!

 

aurrekoa hurrengoa