www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Poemak
Jon Mirande
1950-1966, 1992

      [liburua osorik RTF formatuan]
      [Literaturaren Zubitegia]

 

Iturria: Ilhun-argiak / Claroscuros, Jon Mirande (Felix Maraña eta Felipe Juaristiren edizioa). UPV-EHU, 1992.

 

 

aurrekoa hurrengoa

EDER BATI

 

Beraz, Eder, ez zera

Etorri dei gunera

Naiz otoitz egin nik.

Its ordea ez nago:

Zuretzago geiago

Ez dut maitasunik.

 

Iruditzen zitzaitan

Zeudela zure baitan

Atse danak —atzo.

Gaurgero, neska gazte,

Eskua dut emazte,

Eutsiko zait zintzo.

 

Andere biotz aizun,

Damutuko ez zaizun

Ni utziz, nork daki?

Bai orduan alperrik

Ez dizuket eskerrik,

Eskua dut aski.

 

Andere begi urdin

Zu joanik ere berdin

Bai pozik naizela!

Nerau neronen jabe,

Besteen bearrik gabe

Jainko bat bezala.

 

aurrekoa hurrengoa