www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Olerkiak
Juan Ignazio Iztueta
(-1845)

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Iztueta'ren olerkiak, Juan Ignazio Iztueta (Jose Garmendia Arruebarrenaren edizioa). Kardaberaz, 1978

 

aurrekoa hurrengoa

VILLAFRANKA-KO ERRI

 

        Idazkera ez dirudi Iztuetarena danik. Agian, «Bertso berriak» egin zituanak berak, Iztuetaren idazkiren bat idazki-aldatu zuan. Itz bat dago zalantzakoa: Iruikia? Irurkia? Arritzekoa da, ballera bi aldiz idaztea. Billera izan bear lukela, dirudi. Iztuetaren eskuz idatzia izan bazan, olakorik ezin zitekean gertatu.

 

          1

Villafranka-ko erri

prestu ta leiala

ba dakigu guztiok

Gipuzkoan dala:

ango iru galairi

iñolaz al bada

sei edo zazpi berso

bear diztet para.

 

          2

Bata apez dago ta

besteak ezkongai

gauza txarrik aientzat

ez nuke esan nai:

batetik zintzo dira,

bestetik txit alai

alkargana batutzen

dira aste ta jai.

 

          3

Erdaraz tertulia

euskaraz ballera,

au izango da nere

bersoen sarrera;

orain lau illabete

asi zuten bera

amar libra kandela

argitan erre da.

 

          4

Sarobe irurkia

Sel Triunbirato

eman zaion izena

ez baitu girako:

gaurkoa igaro ta

prest dago bigarko

ongi anaiatuak

beti daudelako

 

          5

Sei ta erdietatik

zortzirak artean

egoten dira berak

atsegin batean:

irakurri, jolastu

kantatzen pakean

kandela ifiñirik

bonbilla batean.

 

          6

Jarriak dauzkate prest

beti iru silla

gela artan besterik

ez diteke billa:

oek dituztelako

berentzako diña

geiago ez jartzeko

artu zuten griña.

 

          7

Urte askoz dedilla

ballera au bizi

gauza ona beñere

ezta bear utzi:

oraindaño izan da

orrelako gitxi

gizon prestu danari

ez aterik itxi.

 

aurrekoa hurrengoa