www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Olerkiak
Juan Ignazio Iztueta
(-1845)

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Iztueta'ren olerkiak, Juan Ignazio Iztueta (Jose Garmendia Arruebarrenaren edizioa). Kardaberaz, 1978

 

aurrekoa hurrengoa

OIEK BERAK ZORTZIKOETAN

 

          1

Kantari asitzen naiz

aditu nazazu,

nik dakizkidan gauzak

jakingo dituzu.

Egoten bazerade

aditzen ixillik,

gauza pollit askoak

esango ditut nik.

 

          2

Txurrut txurrut ari da

urlia edaten,

zer gertatuko zaion

ez du ark pensatzen.

Laster gelditzen zaio

mingaintxoa lodi,

auko itzak orduan

nork adiera-azi?

 

          3

Buru keaz betea

ai zorabillaka!

uste du dabillela

lur ori giraka.

Begi makar-jario

ondikoz zakarra:

iritxi, bi dirala

argi bat bakarra.

 

          4

Ibilltzen asitzean

zangoak gurutze,

buru makar okerra,

lepo ori luze:

ibiltzeko moduan

siaska egiña,

biderik zabalena

ez duk aren diña.

 

          5

Ederra duk planta ori

gizon dan batentzat!

ez nuke ala naiko

nik neretzat beintzat.

Ezagu zak okerra

bein, tonto lapiko,

oitura zirtzill ori

ez al duk utziko?

 

          6

Oa etxera eta

laster oian sartu,

iñork ez ekusteko

    orren zoratu,

gizon, erriarentzat,

ain lotsagarria;

iturriz itzali zak

goizeko egarria.

 

          7

Ez baduk ik utzitzen

kostunbre ain txarra,

igatik egingo dik

mundu orrek farra;

ez, ordea, pensatu

dala gauza andia,

ongi irrigarri duk

gizon bat ordia.

 

          8

Orra konsejutxoak,

zeurk ongi kunplitu:

asko egia eder

dituzu aditu.

Betetzen badituzu

lasaikeri gabe,

guretzat on izain da

ta zurezat obe.

 

          9

Ez badezu izan nai

edanean ariñ,

esanak esan dira

ta egiñak egin:

zabiltza zere gisa

ta ortikan ibilli

kasorik ez egingo

nik astotzar orri.

 

aurrekoa hurrengoa