www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Musika ixilla
Joan Inazio Goikoetxea, «Gaztelu»
1963

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Musika ixilla, Frai Luis de Leon eta Gurutzeko Juan Deuna. Auñamendi, 1963

 

 

aurrekoa hurrengoa

VI

 

                        Otoitz aundiko zentzu-galtzeaz egindako koplak

 

Ez-ezagunera egin nun,

ta jakinge geldi nintzan,

jakite oro gainduz.

 

Enekian nora nintzan,

bañan ara ninduzun,

eta nun nengoen jakiñ ezik

gauz aundi jakin nitun;

ezin dut esan an senti nuna,

jakinge geldi bai nintzan,

jakite oro gainduz.

 

Pake ta errukizko

jakite betea zenun,

bakartasun beltzean,

bide zutari buruz;

gauz ain ixilla izanik,

totel geldi nintzan,

jakite oro gainduz.

 

Ain txirika nengoen,

ain txundi ta zurrun,

nere zentzumenetik

erabat besterenduz;

eta nere gogamena

adi-eziñez adidun,

jakite oro gainduz.

 

Egi-egiz araño dana

beretik piran dagozu;

lendik jakiñ izana

ain zatar dirudizu;

ta jakitez ain geituz doa,

jakinge geldi dalarik,

jakite oro gainduz.

 

Zenbat gorago egin,

ainbat gutxigo adi nun

gaua argitzen duen

odeia zala illun;

beraz jakitun zana

jakinge geldi oi da,

jakite oro gainduz.

 

Jakite ez-jakiñ au

ain da ere altsu,

jakitunak aideraziz

ezin dutela gallendu;

euren jakitea eztiteke

adieza aditzera eldu,

jakite oro gainduz.

 

Jakite goren au ere

ainbateko duzu,

jakite-almenik ezta ura

dezakena burutu;

norbait ezi baledi

ez-jakiña jakiteaz,

joanen beti gainduz.

 

Ta entzun nai baduzue,

jainkozko Izateaz

gorenik sentitzea da

jakite guzizko au;

aren errukiz baita

adige geldiraztea,

jakite oro gainduz.

 

aurrekoa hurrengoa