www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Bordel bertsularia
Juan Etxamendi, «Bordel»
XIX. mendea

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Bordel bertsularia, Bordel (Jose Mari Satrustegiren edizioa). Auspoa, 1965

 

aurrekoa hurrengoa

«LUZAIDEKO
INDEMNIZAZIOAREN GAINIAN»

 

Publikatzera nua

berri noble baten,

desira ginuena

izan dugu aurten,

miletarikan batek

etzuen sinisten;

ortakotz asia niz

nola den erraiten,

adiskide fidelek

plazar ar dezaten.

 

Real Decreto batek

idekirik bortak,

goratu ginituen

leheneko notak:

etzutela balio

orai dokumentak,

konsulta egin zaikun

gure abokatak,

ezin garbi daiztela

holako bokatak.

 

Lan horren garbitzeko

denbora behar du,

luzaturikan ere

ezta gaizki heldu:

Madrilen eztuenak

arrazoina galdu,

ohore publiko bat

merexi ahal du;

bi erresuma otan

errespetu badu.

 

Gure superiora

zenbait laguneki

sekulan eztaiteke

trabaila obeki;

gizonak gobernatzen

badira fidelki,

zer egin dezaketen

nehork ere eztaki;

mihiak behar luke

ibili eztiki.

 

Nor den ahal dakite

Luzaiden nagusi!

Anitz haren pareko

amak eztu azi.

Gure borandatia

konsidera zazi:

Jaunak ezpalezako

hiltzia ofrezi,

oraino behar luke

mila urtez bizi.

 

Gure adiskidiak

oraino badira,

baliatu zazkigu,

anitz konten gira;

solasak entzun eta

dudatzen badira,

aski da egotia

obrari begira;

gizonik aundienak

okupatu dira.

 

Konseju Estaduko

gorputz ain sabanta,

Europa guzitikan

sinetsia baita,

errebokatu zuten

bertzen indireta,

ikusi zutenian

gure dokumenta;

ortatik heldu zaigu

behingo errenta.

 

Bazela kontrario

konde eta noble,

entzutia bera-re

etzen admirable;

beti norbait izan da

kuraia emaile,

arrazoina galtzia

etzela posible;

gure konbentzitzeko

eztira kapable.

 

Konseju Estadoko

obra eta fama,

seietan pasatu da

gure erreklama,

azkeneko segida

garbiki derama;

antik ateratzen da

Luzaideko ama,

guzien gidaria

Isabel Madama.

 

Atsegin osua du

zenbaiten biotzak,

garbitu direnian

pizuko balantzak;

goberniak emanik

bere ordenantzat,

orai segur direla

gure esperantzak;

eztakigu nola egin

aien alabantzak.

 

aurrekoa hurrengoa