www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Bordel bertsularia
Juan Etxamendi, «Bordel»
XIX. mendea

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Bordel bertsularia, Bordel (Jose Mari Satrustegiren edizioa). Auspoa, 1965

 

aurrekoa hurrengoa

AYUNDAMENDUKOAK

 

Nahi duenak aditu

Luzaideko berria,

esku txarretan dabila

aspaldian erria;

lehenago beharra zen

finkatu larderia,

orai etzaio itzuliren

bakotxari beria.

 

Hiruetan ogei urte

gutienik ba ditu,

herri huntako aferak

ez dirala garbitu;

solas hori nork eztu

miliunka aditu!

Kozinerrak berak bezik

ez dira baliatu.

 

Herri huntan ba ditugu

ofiziale hunak,

larrurik zilatu gabe

sangaratzen dutenak;

lanyerosak ere dira

holako gizonak,

urrikarri ditut orien

beharretan direnak.

 

Manatu dretxuak bildu,

beti aintzina galde,

egundainoko eman guziak

ez emanaren balde;

arteko mensajeruak

ez dabiltza debalde,

legearen fidel dira

bakotxa bere alde.

 

Herri huni errekontru

onak eman balako,

errespetu behar zuen

orai ez bezalako;

katoliko eskuadran

ez da anitz holako,

zonbat-nahi bilduagatik

beti pundia flako.

 

Orai zuri mintzo naiz,

suietan nagusia,

etzinuela gupida

egin ahal guzia;

baldin ez bada ikasten

kunpliki malezia,

nolanahi honditzen da

gaizki irabazia.

 

Nik enuke sartu nahi

afer'orietan barna,

etzazula gaizki artu

huntsa nahiz errana;

errezibitzen zinuela

edozeinek emana,

aski aintzineko huna

zinuen xikana.

 

Jakina jarri zaizula

familia penatzen,

nola gobernutu zira

zeure ar-emanetan?

Solas ori entzuna da

guztiz gehienetan,

partzuerrak ba tuzula

ixilik daudenetan.

 

Herri guzia jarri zauku

aldi huntan minbera,

buruzagiek dutela egin

zarkeria sobera;

punitzia merezi ute

obraren arabera,

justiziaik balin bada

dezatela espera.

 

aurrekoa hurrengoa