Erratzik onena

Katuari buztana

zapaldu eiozu...

astin-astin jarririk

purrust! egingutsu.

Arri bategaz joizu

buruan txakurra...

Or joak larri-larri

alarauz etxera!

Adakiaz astoa

neurtu bizkarretik...

arrantza baten doa

belarriak zutik.

Ugao (Miravalles)-ko

alkate dana be,

euskeraz egin ezkero

jarten da astindute.

Purrustadea jaurtin

euskun lengunean,

berari ez esateko

ezer gure elean.

Alkate ori ei zan

Burgostik etorri

ta gure euskal errian

aginduten jarri.

Beti motzai euskeraz

egingo bageuntso

amurratuta geunkez

beti erabilliko.

Ta ekin eta ekin,

eleaz bakarrik,

bialduko gendukez

guztiok emendik.

Astoai adakia

txakurrai arria,

eta belarrimotzai

euskera garbia.

Euzkadi garbitzeko

ez dago erratzik

gure euskerea baiño

erratz obagorik.

Erratz au geure eskuan

daukogu, ta beraz,

lotsa puskat badogu

egin daigun euskeraz.

Ai zenbat aiñeketa

Ebrorantz orduan!

Zein pozik gu, jarririk

bidien onduan!

Orduan eingo geunke

didar biotzeti:

Gora gure euskerea!

ta Gora Euzkadi!

1917-IX-1