www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Olerki galduak
Antonio Arruti
1913-1919, 1998

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Olerki galduak, Antonio Arruti (J. Etxeberriaren, K. Zubizarretaren eta J. Letonaren edizioa). Elkar, 1998

 

 

aurrekoa hurrengoa

VOBIS... NOSSE

 

Esan zidaten uritik, arren,

Lenbaitlen irten ne[n]dilla

Basoan diran omen aundiko

Osasun-belarren billa;

Onuntz ta aruntz aulduta nago,

Gogoa daukat erdi illa...

Osasun-belar ederren ordez

Arantza mordollo pilla!

 

Egarri ni[n]tzan egiaz eta

Nai nuan nere eztarria

Bustitzeko, bai, aritz artean

Zegon iturri garbia.

Auxe tamala! Auxe benetan

dala bai negargarria!

Len iturri zegon lekuan

Tella zar basez betia...

 

Muga ta azkenik gabeko ondartzan

Dagon bidazti bakarra

Pozez jartzen da noski ikusirik

Erreka garden azkarra,

Zugaitz ostotsu kabiz betiak,

Nun nai lore ta belarra,

Baratz eder bat dirudiala...

Ta urreratzean... ondarra!

 

aurrekoa hurrengoa