www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Arraun ta amets
Salbatore Mitxelena
1955

      [liburua osorik RTF formatuan]
      [Literaturaren Zubitegia]

 

Iturria: Idazlan guztiak (I), Salbatore Mitxelena (Karmelo Iturria eta Jose A. Gandariasen ediozioa). EFA, 1977.

 

 

aurrekoa hurrengoa

MAITASUNEZKO GAU ARTAN

 

Maitasunezko gau artan

errañuz zegon aintziran,

zeruan anbat izarño

uretan islatzen ziran.

 

Ez duzu gogoan nola

izarñok islatzen ziran

errañuz zegon aintziran?

Alaxe nerau gau artan

zure begien diztiran,

liluraz zenun begiran!

 

Bakar-bakarrik sarritan

nijoakio ordudanik;

baña goibeldu zanetik,

aintzirak eztu izarñorik.

 

Zeru goibeldu zanetik,

aintziran ezta izarñorik.

Aintziran ezta besterik:

orbel oroimingarriak

urlo geldian lo, soillik...

 

aurrekoa hurrengoa