www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Arraun ta amets
Salbatore Mitxelena
1955

      [liburua osorik RTF formatuan]
      [Literaturaren Zubitegia]

 

Iturria: Idazlan guztiak (I), Salbatore Mitxelena (Karmelo Iturria eta Jose A. Gandariasen ediozioa). EFA, 1977.

 

 

aurrekoa hurrengoa

BETIRAUNA SEASKAN

 

        (doñuz)

 

Aurtxoa lotan, etorkizunari parrez.

    Aita-amen pozak, ari so, neurririk ez:

    —Zertan izutu geroaren mamuaz,

          negu ankerrak joko gaitulakoaz?

              Gu iltzerako,

              i augu oñordeko!

 

Nexka ñimiño ori, ez adi esna.

    Obe dun ez jakin burrukaren gema

    —Zertan izutu geroaren mamuaz?

          Gero ta edertzenago aziko aiz.

              Aingeru orain,

              biar erregin lirain!

 

Gaztetzaroko gurasoen kimua,

    zartzarorako epelgarrizko sua.

    —Zertan izutu geroaren mamuaz?

          Seiñak uxatuz, kezka illunak bijoaz.

              Aurrakin lotan,

              Betirauna seaskan!

 

1952

 

aurrekoa hurrengoa