ZERURATZEAN...

Zeruratzean jauziko zaiku

        bihotz barneko kantua,

Bizi huntako guduan eta

        minen artetik ontua.

Nihork ez jakin kantu berria

        gu ganik entzun orduko,

Beren kantuez kantuz kantari

        guziak dire jeikiko.

Bakotxak eman xaramelari

        jarriko dire bet betan

Bertze guzien bihotz-kantuak

        milaka mila bozetan.

Jainkoarekin gizon bakotxak

        ixilka daukan mintzoa

Diren guzien soinu tartean

        hegalez hegal badoa.

Ageriko da zoin den gizona

        berdin-gabeko mundua,

Zoin garen denak elgarren bete,

        denak elgarren zerua.

4-1-76

                AIREA: Gogoa kezu...

                (kantikak n.º 226)