www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jaunaren hegala
Xabier Iratzeder
1972 -1980

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

BAKAR-LORE

 

Bakar-lorea

ezpain zabala,

oten artean

ixil ixila.

 

Bakar-lorea

xango ahula

haize gaixtoan

dantzan dabila.

 

Larretik deika

dago kartsuki,

nahiz musuka

zerua unki.

 

Nun dagon deika

Jaunak baitaki,

ezpainak dauzka

dena iduzki.

 

      * * *

 

Bakar-lorea

ezpain xabala

oten artean

ixil ixila.

 

Bakar-lorea

dantzan dabila,

baitu barnean

goiko ahula.

 

27-4-74

 
aurrekoa hurrengoa