www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jaunaren hegala
Xabier Iratzeder
1972 -1980

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

BIHOTZEAN NORK EZ DU?

 

Bihotzean nork ez du

        zerbeit etsimendu?

 

Ametsetan zaukana

        nork ez duke galdu?

Ez da nehoiz mundua

        nahi dugun mundu.

 

Bihotzean nork ez du

        zerbeit etsimendu?

 

Etsimendu gainetik

        dator esperantza:

garraituz da baketzen

        gizonen bihotza.

 

Bihotzean nork ez du

        zerbeit etsimendu?

 

Gaua gabe ez baita

        izarrik ageri,

Etsituak, jauz, kanta

        gauaz argiari.

 

...-11-80

 

aurrekoa hurrengoa