www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Koplak
Joanes Otxalde
1851-1894

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Bertsolaritzaren historia II, (Patri Urkizuren edizioa). Etor, 1991

 

 

aurrekoa hurrengoa

EZPELETA HERRIAN

 

Ezpeleta herian, ostatu batian

Gerthatu izan naiz bazkari batian,

Uste gabian, laur lagunetan;

Espantuia frango bere saltsetan,

Etxek'anderia bere lanetan,

Ageriko da gero obretan.

 

Etxek'anderia goizik jeiki zen;

Zortzi orenetan suia hila zen,

Haragia're buxerian zen;

Hamek'orenetan garburen sartzen,

Eguerditan bazkaria prest zen;

Zopa on baten manera bazen...

 

Zopa jan eta haragi hori

Ekharri dauku egosi berri,

Begiratu eta egin neron irri;

Poxi poxi bat eman zautan niri,

Zer jenero zen etzen ageri,

Mamia guti, hezurra handi.

 

Arnoa zuten Bordalekotik,

Edo bertzela taula zokhotik,

Agoilatua ongi uretik;

Edan dezagun beraz gogotik,

Horditziaren beldurra gatik,

Horrek ez gaitik joko burutik.

 

Zalhu dabila zerbitzaria:

Saltsa bat badu egin berria

Nahi dugunez haren erdia;

Egin dezagun beraz guardia,

Saltsa eztela egin berria,

Bezperakua, mintzen hasia.

 

Galdetzen derogu zerbitzariari

Ekhar dezagun erraki hori

Ongi errerik, gizenean guri;

Begiratu eta egin neron irri,

Zikhiruaren ama txarrari;

Mehe zen bainan etzen emari.

 

Kafe on batek denak ahazten.

Galdetu orduko berehala prest zen,

Ura doidia pegarrian zen;

Hasi zen beraz noizbeit ekhartzen,

Ura doidia hasia beltxten:

Kikera erdi bat phurruska bazen.

 

aurrekoa hurrengoa