www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Txindor-egadak
Alejandro Bilbao, «Erramun Maruri»
1964

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Txingor egadak, Maruri'tar Erramun. Graf. Izarra, 1964

 

 

aurrekoa hurrengoa

Txiribiri

 

Txiribiri eder

Ego andi ori,

Nundik etorri aiz

Guztion pozgarri?

 

Zarrak kendu gabe

Ume ta mutiko,

Guztiek daudela

Berauxe begiko.

 

Txiribiri bizi

Ego eder duna,

jira bira dabil

Loretik lorera.

 

Zuria danean

Dana da dizdira,

Gorrizke danean

Ain dala polita.

 

Ta beltza danean

Ez dirudi beltza,

Jario daukala

Beltzaren dizdira.

 

Auarren baditu

Ume galgarriak,

Lore ta landare

Ondatzen daitunak.

 

Nekazariak dakus

Dana samindurik,

Soloan arbiak

Ondoriño janik.

 

Eta lipo pillak

Ortzak zorrozturik,

Lanerako gertu

Lo-xusta egiñik.

 

Noren ume dira

Zomorro gosetik,

Soloan direla

Pizti ain galgarrik?

 

Txiribiriaren

Umedia dira,

Soloan dakusan

Zomorro izuria.

 

Ludi onetantxe

Au sarri gertatzen,

Bat irudi-eta

Beste bat izaten.

 

                        Ondarrabi, 1926

 

aurrekoa hurrengoa