www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Goi-izpiak
Gabirel Manterola
1921

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Goi-izpiak, Manterola'tar Gabirel. Jaungoiko-Zale, 1921

 

 

aurrekoa hurrengoa

YOSU-IZEN DEUNARI

 

Izenik eder ta gozoena

eztitsu eta biguna,

Yainko berberak ezarria da

YOSUren izen deun-deuna.

 

YOSU entzunaz donoki-goyan

poz ta zoruna sortzen da,

ta gaiztokia bildur-bildurrez

ikaratuta yartzen da.

 

YOSU argalen osakia da,

obendien itxaroa,

samin-naigabez dagoanentzat

YOSU da ezti gozoa.

 

Abestutean ezti utsa da

entzuteko leun-leunena,

YOSU biotz eta adimenentzat

da yaki samur onena.

 

Gure gogoa leor badago,

YOSU da iturri bizia,

adimeneko gau-aldietan

YOSU guretzat euzkia.

 

Itxasoa lez ekaitz gogorrak

naspilldu badai biotza,

YOSUn izena baretuteko

da gutzat indar laguntza.

 

YOSU eztala oro dago illun,

biotz barrena leorra,

ezta maitasun ta zorionik,

gustia nitzat gogorra.

 

Izen gozo au aurkitu ezik

etxat begiko idaztia,

YOSU sarritan aitatu ezik

etxat gogoko itzaldia.

 

Izen altsuau maite biotzez,

nai dot bizitza gustian,

YOSU! esanda Beraganatu

nadin eriotz aldian.

 

aurrekoa hurrengoa